kim heechul
عضو
جـْنـسّيْ : 
مُسَاهَماتِي : 12
مآلَـيْ : 4491
شّهـْرتـْي : 0
آنْضضْمآمـْي : 12/02/2012
ع ـ’ـمريْ : 26
 |  موضوع: تقرير عن بعض اعضاء السوجو والفرق الأحد فبراير 12, 2012 7:19 pm | |
|  Kim Heechul- تاريخ الميلاد : 10 يوليو 1983
- فصيلة الدم : AB
- طوله 179 و وزنه 60
- يلقب نفسه بسندريلا ومطلع القاب لاصحابه.. سيمبا=شيوون, سنو وايت= كيبوم, بينوكيو= دونغهي, بيتر بان= ليتوك
- تقدم للاوديشنز حقت اس ام في 2002.. وضيع مكان الاوديشن وجاء متأخر
- كان غنائه مقبول ورقصه يفشل ولكن قبلوه وصار متدرب
- عضو في Super Junior - T
- سألته وحده من وين تجيب الثقة هذي كلها؟! جوابه كان: من وجهي!
- سألوا هانكيونغ اذا هو مشهور في الصين فجاوب هيتشول عنه انه "هانك مشهور في الصين قد ما هيتشول مشهور في كوريا.. يعني يعتبر مره مشهور "
- "انا كيم هيتشول انولدت عشان اطيح البنات في حبي.. هذا مو غلطي..ابويه وامي جابوني بهذا الوجه الجميل "
- سالوه انه لما ترسمت كنت مشهور بجمالك.. رد وقال:"بس اول ما رحت لبرنامج وتكلمت خربت كل شي"
- الاعضاء يقولون عنه انه مزاجه متقلب وفي لحظه ممكن يقلب عليك
-" في رأيي مو انا اللي غريب الاطوار..الناس اللي قالوا عني اني غريب اطوار هم غريبي الاطوار"
- يقول انه خجول وما يعرف يعبر عن نفسه قدام الكاميرا عشان كذه تتطلع منه تصرفات غريبه
- يحب البساس. وحده من المعجبات اعطته بسه وسماها هيبوم..اسمها الكامل هانجيهيبوم (هانك يونغ+جاي "من Trax"+هيتشول+كيبوم) وللحين عنده ودايما يحط لها صور في الـ cyworld
- هيتشول يحب يقلد الفنانين..ودايما يحفظ رقصات لفرق ثانيه
- يحب يكتب شعر وقصص الجنيات fairytales
- يوم كان في المدرسة اخترع شخصيتين كرتونيه مع صديقه و هم : Sellectice and his friend Karrion و صديقه Daehyun كان هو شخصيه Sellectice
اما هيتشول فاخذ شخصيه Karrion ..اللي يشوف توقيعات هيتشول بيلاقي الشخصيات مرسومه .. https://2img.net/r/ihimizer/img515/6072/sellectivehisfriendkarr.jpg
- دايما يتفل على الناس بالغلط.. ويمسحها في ملابس اللي جنبه او في كم بلوزته و هانكيونغ و شيوون دايم يشتكون منه بسبب هذا الشي ..
- ملابسه اللي يلبسها كل يوم غريبه وتضحك.. عليها شخصيات كارتونيه ويلبس معها قبعات كاوبوي لانه ما يبغى احد يستعير منه ملابسه .. <<زيي
- اوقات صوته ينشز في الاغاني اللايف ..
- مدمن العاب الكومبيوتر.. ومدمن على لعبة war of warcraft ولما يكون على الكومبيوتر يطنش اللي حواليه ولا كانه يعرف احد <<آنآ بعد
- كتب في الـ cyworld انه ميرثا من ايبيك هاي ومن اصدقائه القريبين منه ما صار يلعب معاه اون لان والحين الوحيد اللي جنبه هو CutieCutie Cutiewra
>>اللي عاليمين وهيتشول جنبه https://2img.net/h/oi44.tinypic.com/28rcvhs.jpg
- ما يؤمن بوجود الرب..ودايما شيوون يحاول يدعوه للمسيحيه ويقول له انه المسيح يحبك ..
- يحب الموسيقى اليابانيه.. خصوصا الروك ومن الفرق يحب xjapan وdir en grey و gackt ومره غنى اغنية هايد pink spider .
- الجمل اللي يعرفها من اللغة الانجليزية هي Yo man , hey man , Yo touch man و نطقه للانجليزي مضحك جدا
- في فول هاوس لما راحوا القريه الانجليزيه الاعضاء حرموه من انه يقول كلمات معينه وهي touch me, Yo man, baby.. فقال لهم 90% من انجليزيتي مكونه من هذي الكلمات
- هيتشول بدا بالتمثيل من قبل ما يترسم في سوبر جونيور ويحس انه عشان يعوض عن انه ما يرقص زين ولا يغني مثل باقي الاعضاء لازم يجتهد في التمثيل عشان يبين انه سوبر جونيو يشتغلون بجد
- في 10 اوغست 2006 هيتشول كان راجع من جنازة ابو دونغهي وصار له حادث في طريق العوده ..
- اصيب بكسور في 5 مواضع من رجله ومع هذا لانه ما كان يبغى انه يغمى عليه قدام الناس عض على لسانه الين ما طلع الدم واحتاج لغرز وما كان يقدر يتكلم لكم يوم
- قعد شهر في المستشفى وركب شرائح معدينه في رجله طلع منها وحده في اكتوبر 2006 وبقيت وحده ما شالها الا 2008
- بعد كم شهر من الحادث رجع يغني على المسرح بس ما كان يقدر يمشي كثير او يرقص
- احلى ما عنده انه يسوي مقالب وكاميرات خفية في الناس.. ويا كثر ما اكل اينيوك منه مقالب
- واكره ما عنده انه يسوون فيه مقالب وكاميرا خفيه.. ولو حس انه الموقف فيه شي غريب.. عيونه على طول تقعد تدور وين الكاميرا
- "صحيح اني دايما ابين الجانب الوقح مني.. بس في الواقع تراني مؤدب.. وقبل ما اكون الفنان كيم هيتشول, انا احاول قد ما اقدر اني اكون كيم هيتشول الانسان"
- شيون يقول عنه انه لما تقترب منه وتصير صديقه بيعطيك كل شي يقدر عليه عشان كذه انا احبه
- مره طلع هانكيونغ شقة سوجو وهو زعلان لانه فيه ناس قدام البيت قعدوا يسبونه ويقولون له ارجع للصين.. يوم سمعهم هيتشول نسي انه فنان والمفروض يطنش ونزل للفانز وسالهم مين اللي سب هان ويقول كان ودي اصفقهم
- لما تسمم يونهو من دبسك بسبب وحده من الانتي فانز هيتشول كتب انتري طويل عن هذا الشي :
"قالوا انه هذا ايذاء فقط مو محاولة قتل؟ يعني بيغطون وجه هذي الزباله عشان يحمون هويتها؟
انا اكره ما عندي الدراسه وما اعرف اي شيء عن القانون بس انا اعرف الصح من الغلط.
اذا كنت انتي فان ليونو فاكيد انك تجين هنا كمان؟ انت قاعده تقرين؟ ليش ما تجيبين لي عصير فيه صمغ لي انا كمان؟ جيبيه..بامسكك.
اتمنى انه هذي الزباله تنمسك..ارجو انها تنمسك.. وانا مو بس سبيت انا صليت كمان "
- بس الانتي فان قرت هذي الانتري وردت عليه مو تهدده هو تهدد اصحابه.. فاضطر انه يشيلها عشان ما يصير شي.. وكتب " انا اعتذر على طريقة كلامي القاسية ولكن..انا انسان كذلك"
- خلال ترسيم السوجو وبسبب مشاكل في الفيزا حقت هان.. القنوات اجبرته انه يلبس قناع خلال عرض السوجو وانه ما يظهر وجهه في التلفزيون
- بعد شهرين او 3 تقريبا من معاناة هان.. هيتشول فجأه دفه لمقدمة المسرح وقال لهان "ما عليك لا تخاف" وشال القناع من على وجه هان
- كان صديق يونو من دبسك قبل ما يترسمون ودايما يطلعون مع بعض. وصديقة يونو تركته لانها حسبته يخونها مع هيتشول لانها شافت هيتشول ويونو في مقهى وحسبت هيتشول بنت.
- طلعت اشاعه على انه وميرثا من ايبيك هاي يتواعدون. وميرثا طلع وكذب الاشاعه, وهيتشول كتب في الـ cyworld عن الاشاعه:
"ميرثا يا دب, لا تقعد تعلق على اشاعات كذه. لانه كل ما تكلمت عنها بتصير اخس.
انا وميرثا ما نتواعد مع اننا نتقابل اخر الليل, ناكل مع بعض ونشرب بيره..
هذي بس صداقه, اكيد مو حب.
لما نتقابل اصلا ما نقرب من بعض
لدرجة حتى لو احد منا طاح الثاني ما يساعده
لما تنظرون كذه كانه العلاقه اللي بيننا سيئه
يوه من جد انا ليش قاعد اشرح؟ (-┏)
وبالمناسبه.. انا ما اوعد يونو كمان (-┏)
كيبوم, هانكيونغ, شيوون, جاي الخ..
انا ما اواعدهم كمان (-┏)
انا اواعد كل المعجبات.. اقدر اتخيل اني اواعدهم ㅋㅋ"
Yesung - اسمه الحقيقي : كيم جونغ وون
- مواليد سنة 1984 , أغسطس
- اسمه المسرحي : يسونغ ومعناه " فن الصوت "
- عضو في Super junior Happy , KRY.
- يسونغ كان ولد من بيته لمدرسته ويحب الغناء جداً ويحلم يكون مغني لكن لان بلدته بعيدة عن سيول كان فاقد الامل.
دائما مايشغل الموسيقى ويجلس يغني في بيتهم وامه هي الداعم الاول له تقول له " أنت افضل من كل اللي بالتلفاز "
- شارك في مسابقات غنائية وربح المراكز الاولى ومن بعدها سجلته امه بتجربة الاداء عن طريق الانترنت .
وسافر لسيول مع امه ونجح بالتجربة وانضم لشركة SM الترفيهيه , عشان كذا دائما مايشكر امه في البرامج
- اول اغنية للسوبر جونير TWINS لما كانوا يغنونها لايف دائما لما يجي مقطع يسونغ يأخذون الصورة من بعيد ولا يقربون عليه
وكان منقهر من هالشي يبي يطلع بالشاشه , بعد ثلاث اسابيع اخيراً قربوا عليه وطلع بالتلفزيون وكلمته امه بعدالعرض تبكي تقوله " اخيراً ظهرت على التلفاز"
- يسونغ نقدر نسميه صاحب الحظ السئ , دائماً يحب يتكلم في البرامج ويتفاعل بس حظه دائماً سئ ومقاطعه دائماً ما تقطع , ولما يجي يتفرج يكتشف ان مقطعه حذف ,
لدرجة انه مره بكى في برنامج ع الراديو لما طفش من البرامج الي تحذف مشاهده
- يحب انه يتكلم فتشوفونه بالبرامج لما يسالونه يسونغ وش رايك بكذا وكذا ؟ يرد " أه أخيراً جاء دوري "
- معروف بيدينه الصغاار وراسه الكبير , واعضاء السوبر جونير يضربون بكبر راسه المثل , وفي كل برنامج يجيبون سيرة راسه الكبير ,
لكن يسونغ يقول ان راسي صغير بس عشان قصة الشعر تخليه يصير كبير
- على ان يديه صغار الا انه قووي في لعبة مصارعة الاذرع , وإينيوك دائماً مايتعجب وشلون يفوز عليه وهاذي يده !!
- الاعضاء يقولون مستحيل ينزل يسونغ للشارع او السوبر ماركت بدون مايضبط ويسشور شعره , حتى لو مشوار صغير للسوبر ماركت لازم يأخرهم ويسشور شعره
- في برنامج Come to Play أجمعوا الاعضاء على ان يسونغ شخص غريب الاطوار وينافس هيتشول على هاللقب
- من حركاته الغريبه انه لما يكون في رحلة ماينام في غرفة وحدة .. كل عشرين دقيقة يروح ينام عند عضو وبعدها يغير وينام عند غيره
- لما صار الحادث المعروف لاعضاء السوجو واللي تضرر فيه تيكي وكيوهيون وشيندونغ وإينيوك ,
يسونغ ارسل لهم رساله في الردايو وكان يبكي https://www.youtube.com/watch?v=qtVJrraXl9g
- كان يغار من هيتشول وقطته اللي يلعب معها في الشقه اللي فوق شقتهم ..وكان يقول "لازم أشتري لي قطه عشان مااكون وحيد واطفش " لكن انتهى به الحال بسلحفاة مو قطه ,
ومسميها " البطاطا الحلوة الصغيرة " لكن لانها سلحفاة ما استفاد شي الا انه يشيلها ويطالع فيها وهي تفتح عيونها وتغمضها
.. وصار يقول " كنت أعتقد قبل اني طفشان لكن اللحين بموت من الطفش "
- يسونغ له نصيب الاسد من الاصابات من بين السوبر جونير , في بداياتهم كانوا مشاركين في مارثون وفي نص المارثون طاح يسونغ واحتاج لنقل للمستشفى
ولا قدر يكمل معهم المارثون ورجع في النهايه بعكازته ,
وعلى ايام اغنية بيجاما بارتي وقت التدريبات على المسرح طاح يسونغ من على المسرح ونقل للمستشفى ومنعه المدير من المشاركة مع الاعضاء .
- يندمج بالرقص لدرجة انه يطلع عن الرقص المألوف وقت ماهو يرقص , ويحاول يقلد إينيوك بس النتيجة تكون شي غريب لا ينتمي للرقص https://2img.net/h/oi49.tinypic.com/344pe9h.gif و https://2img.net/h/oi48.tinypic.com/ojdswo.gif وhttps://i30.photobucket.com/albums/c331/ ___ohdangerr/1194621744_sjtv_ys1.gif
- يعرف يقلد الاعضاء ببراعه , حتى حركات الوجه يضبطها
- في برنامج EHB يسونغ كان خبل بكل معنى للكلمة , https://2img.net/h/i520.photobucket.com/albums/w325/lovesujuelf/17.gif Eunhyuk - اسمه : Lee Hyuk-jae
- مواليد : 4 ابريل 1986
- اينيوك و جونسو من دبسك اصدقاء مقربين من بعض من يوم كانوا صغار , و راحوا لتجربة الاداء مع بعض اول مره لكن وقتها جونسو نجح في الاداء و اينيوك لا
- اينيوك دق على جونسو بعد ما انعرض ترسيم دبسك في التلفزيون و يقول انهم بكوا و هم يكلمون بعض و جونسو قال له ابغى اشوفك قريب على الستيج
- بعد سنه من الكلام هذا اينيوك حاول مره ثانيه و دخل تجربة الاداء و نجح فيها و اصبح متدرب في شركه اس ام و قدر يحقق حلمه
- في تجربة الاداء كان يقدم قدام اعضاء H.O.T وابدع ابداع , ماادري كيف مسكوا نفسهم ولا ضحكوا بصوت عالي بصراحة https://www.youtube.com/watch?v=cnL1ViMtOso&NR=1
- على انه صديق جونسو مرره الا انهم من يقابلون بعض او يكلمون بعض طول الوقت يفشلون بعض ,
مره دق جونسو على برنامج الراديو اللي يقدمه إينيوك وتيكي ومن تكلم قال إينيوك قفلوا الخط https://www.youtube.com/watch?v=l7ySRC50w_U
- نقدر نقول انه ارقص واحد في سوبر جونيور و يلقبونه بآلة الرقص و دايم نلاحظ انهم يطلبون منه يقوم يرقص اذا راح اي مقابله او برنامج
- بالاضافه لموهبته في الرقص اينيوك يساعد في كتابة كلمات الاغاني و تصميم بعض الرقصات لسوبر جونيور
- اسمه الحقيقي مشابه لاسم كوميدي كوري مشهور , فعشان كذا الشركه شافت انه احسن يطلع له لقب جديد و من هنا طلع اسمه اينيوك
- قبل ما يترسمون السوبر جونير وقبل مايختارون لهم هالاسم كان يبغى يصير اسمهم Princes " أمراء " عشان يصيرون الفانز حقينهم Princesses " أميرات "
- الاعضاء اتفقوا انه اينيوك اقل واحد فيهم نظافه و علقوا على رائحه قدمه !! لكن في الحقيقة اينيوك جدا نظيف و يحب الترتيب و غرفته دايم مرتبه
- ما يحب احد يمسك اغراضه او يلعب فيهم بما في ذلك الجوال حقه و يقول انه دايم ينظف شاشة الجوال و يحتفظ بمنديل معاه ..
- انسان غلبان دايم ياكل المقالب اللي يسوونها فيه باقي الاعضاء من دون ما يفكر انه "و الله هذا يمكن مقلب" زي ما يسوي هيتشول اذا حاولوا يلعبون عليه ..
- سووا فيه مقلب في برنامج و قالوا له انه الفرقة خلاص راح تتفركش و تحمس و جلس يبكي و بعد ما عرف انه مقلب بكى اكثر و قال انه هذي دموع الفرحه و انه يتمنى الفرقة يستمرون مع بعض للابد ..
- عاطفي جدا و يحب اعضاء الفرقه جدا و يقول انه يعتبرهم اخوانه و اكثر ..
- في مقابله له قال انه هو اكثر واحد يبكي من بين الاعضاء لانهم كلهم يقدرون يتحكمون بدموعهم الا هو
و قال انه اكثر مره بكى فيها هي لما السوجو فازوا باول جائزه لهم على اغنية يو و يقول انه كل ما يشوف الحدث هذا يجلس يبكي
- الاعضاء يقولون انه يحب ياكل كثير و انهم اذا خرجوا مع بعض ياكلون هو اكثر واحد ياكل من بينهم
- معروف عنه انه يلبس رافعات في احذيته عشان يزيد طوله و في برنامج استضافوه مع بعض الاعضاء قال لهم انه ما عاد راح يلبس الرافعات ذي و طلع بعدها في ستار كينغ من دون ما يلبسها
- يخاف كثير من الافاعي و يسونغ مره جلس يلاحق فيه و هو شايل ثعبان كبير و المسكين طار عقله
- في برنامج كوم تو بلاي الكوري قالوا انهم سألوا عدة فرق بنات عن سوبر جونيور و من بين الاسئلة قالوا لهم مين تشوفون انه سوبر كازانوفا و يعطي انطباع انه لعاب فاجمعوا انه اينيوك
- هو و ايتوك يطلعون كـدي جي في برنامج مشهور لهم على الراديو اسمه Kiss The Radio
- في برنامج الراديو اللي يقدمونه دائما مايتحمسون ولا بقى اغنية ماقلدوها وهم يقدمونها .. أخر اغنية قلدوها HeartBeat و Ring Ding Dong
- هيتشول يقول عنه انه طيب جدا جدا لدرجه انه يخاف يقول له تعال نطلع مع بعض لانه يخاف يخرب الولد و يكون له تأثير سئ عليه
- في برنامج قالوا انه هو و هيتشول ما يتفقون مع بعض و انه علاقتهم سيئة لكن في الواقع انهم قريبين من بعض و يشكلون ثنائي كوميدي اضافة انه اينيوك قال علاقته حلوه مع كل الاعضاء
- هو مغني الراب في الفرقة و معاه دونغهي و كيبوم و شيندونغ .. بس مره قالوا له مين احسن اثنين يغنون راب معاك
فقام قال هيتشول و كانغن لما نسوي منافسات راب في اخر الليل و احنا لابسين بيجامات
- فضحه تيكي مره قال انه كان يقول للاعضاء انه اكل مع sangwu قبل مايترسمون وهو في الحقيقة كان معه بنفس المطعم ولما طلع sangwu راح إينيوك وأكل من الاكل الباقي في صحنه , ومن بعدها وهو مزعجهم انه مقرب له ويأكل معه Kim ryeowook- اسمه : كيم ريو ووك .. و يسمونه ريووك او ووكي ..
- تاريخ ميلاده هو 21 يونيو 1987 و هو طالب في جامعة Inha في قسم الدراما و السينما ..
- ريووك هو اخر عنقود عايلة السوجو و يسمونه Eternal Magnea و لو انه مو اصغر واحد في العمر لانه بعده كيبوم و كيوهيون و هنري ..
لكن الكثير يقولون انه شخصيته مناسبة جدا انه يكون اخر العنقود ..
- اكثر عضو فيهم يملك موهبة في الغناء و الكل يشهد له بصوته المميز حتى في غنائهم لايف
- يحب الغناء و التلحين و اوقات كتابة كلمات الاغاني و هو اللي كتب كلمات اغاني المقدمة لبرامج كانغن و يسونغ على الراديو
- يحب يعزف على البيانو و مره طلع في برنامج سوبر شو و هو رايح يتعلم العزف عليه و الحين يقدر يعزف عليه بشكل جيد ..
- ريووك جدا خجول في البرامج و ما يتكلم كثير و سريع التأثر لدرجه لما احتاجوا يجمعون دموع في برنامج EHB
رشحوه يكون واحد من اكثر اثنين يبكون في الفرقة و بالفعل بمقلب بسيط مؤثر ما قدر يمسك دموعه و بكى عليهم
- عنده هواية عجيبة و هي انه يحب يجمع عينات المكياج اللي توزع مجانا في المحلات
- له سالفة مع المكياج يحكيها اعضاء السوجو في برنامج .. يقولون انه ريووك حتى لو راح و قابل اهله لازم يحط ميك اب
الاعضاء قاموا يسلكون له و يقولون انه ما يحط عشان اهله بس انه ما يقابل اهله الا في الايام اللي يكون حاط فيها من قبل يقابلهم
بعدين قال انه بشرته خربت من الميك اب فهو خايف انه اهله يقلقون عليه و يحزنون لو شافوا بشرته المعدومه
- كانغن ماسك عليه شغله و يقول انه مره جدولهم تأجل لليوم اللي بعد فقام دق على كيوهيون و ريووك و قال لهم اطلعوا معاي يقول كيوهيون خرج و هو لابس كاب و شكله عادي بس ريووك خرج له و هو ما مسح الكحل حتى
- عنده خال او شامه على خده اليمين و ما تبان لانه يحط ميك اب دايم
- يعتبرونه امهم في البيت لانه يعتني فيهم و اول ما يشوف واحد فيهم تعبان يروح يطبخ له اكل و دايم يذكرهم انهم يهتمون بانفسهم و يزعل اذا ما اكلوا اللي طبخه لهم
- مره صارت لريووك حادثة وهم يغنون Miracle اثبتت فيها انه بروفيشنال و عرف كيف يتصرف و الحادثه انه اثناء الرقص جزمته انخلعت و صارت على ارضية الستيج , و بما انهم جدد وقتها كان المتوقع انه يرتبك و يلخبط الرقص لكنه كمل عادي لما جاته فرصه يشيلها
- يقولون انه ثاني اكثر عضو ودي و غير متحفظ في الفرقة من بعد كانغن , يعني لا يغركم خجله و قلة كلامه
- مشترك في فرقتين فرعيتين للسوجو و هي Super Junior M .. اللي نشاطها في الصين , و Super Junior KRY اللي تضم افضل اصوات السوجو ..
- يحب النوم و ما عنده اي مانع انه ينام 18 ساعه في اليوم .. و مره طلعوا فوقه اكثر من واحد عشان يصحونه و هو لسا نايم 8)https://www.youtube.com/watch?v=1qhELYbUHa0
- قبل الديبوت كان متين و وزنه وصل الى 80 كيلو .. لكن مع التدريب نقص وزنه 25 كيلو و صار بالشكل اللي نشوفه الحين ..
- عنده طريقة كيوت و تقليدية لما يعرف نفسه و يقول : "ريووك اميدااا" بمعنى "انا ريووك" و اوقات الاعضاء يقلدونه و هو يقولها https://www.youtube.com/watch?v=XVm7aroK_kg&feature=related
- في برنامج اشترك فيه سوبر جونيور و كان اسمه Animal Farm اختار فيها ريووك كلب من الملجأ عشان يربيه بس للاسف كان الكلب مريض و قرر يعتني فيه
الكلب بعد ايام مات و ريووك تأثر من ذا الشي بعدها و بكى
- معجب كبير لفرقة SNSD او Girl's Generation و يحب يسمع لهم و كمان عضو في فان كلوب لفرقة SES اللي منها بادا ..
- ريووك صدم الفانز بتمثيله في فيلم سوبر جونيور لانه كان عكس شخصيته الخجوله و قام بدور طالب مثالي لدرجه الاستفزاز https://www.youtube.com/watch?v=e7qIi2jhZAo
- يقال انه الدونغسينغ المفضل لدونغهي و انه مره قريب منهKim kibum - اسمه : كيم كيبوم
- مواليد عام 1987 في شهر اغسطس ..
- مغني في سوبر جونيور و احد مغني الراب في الفرقة و ممثل و راقص كمان ..
- بدايته الفنية كانت في التمثيل و طلع في دراما April Kiss عام 2004 قبل ما ينضم و يترسم مع سوبر جونيور ..
- ولد عمه هو الممثل و العارض المشهور شين دونغ ووك ..
- هو احسن واحد في سوبر جونيور يتكلم انجليزي و السبب انه كان ساكن كم سنه و درس هناك
- هو من اصدقاء هيتشول المقربين و مثل معاه في درامات عديده منها Rainbow Romance و Banolim #2
- هيتشول اعطاه لقب سنوايت ضمن عدة القاب من ديزني اطلقها على اصحابه ..
- في فول هاوس كيم جونغ مين كان يقول انه كيبوم يشبه له خاصه لما يبتسم و قال عن ابتسامته انها Die Smile و كان قصده Killer Smile
- بما انه ابتسامته مميزه فدايم الاعضاء و خاصه هيتشول يقلدونه https://www.youtube.com/watch?v=ikwWZH9SWVE
- كان يعيش هو و هيتشول و هانكيونغ و جاي احد اعضاء تراكس في شقة صغيره تبعد دقيقتين عن شقة السوجو الاصلية ..
- بعد تغيير المسكن صار كيبوم يعيش برا الشقتين اللي يسكنون فيها سوبر جونيور و اللي تقع في الدورين 11 و 12 من بناية سكنية
- هو ثاني اصغر عضو في سوبر جونيور في العمر و اصغر عضو هو كيوهيون
- ذكي مره و معدل ذكاءه هو 138 و عرضوا النتيجه هذي في برنامج Happy Sunday Heroine 6
- كيبوم متوقف حاليا عن الانضمام لنشاطات الفرقة بسبب انشغاله في التصوير لدرامات او اعلانات لكن الاعضاء الباقين دايم يذكرون الفانز انهم ما يزعلون من كيبوم وانهم يدعمونه في اللي يسويه لانه ما زال من سوبر جونيور .. Cho kyuhyun - الاسم : شو كيوهيون ..
- تاريخ الميلاد : 3 فبراير 1988
- هو العضو الثالث عشر اللي انضم للفرقة بعد مده من ترسيمهم و قبل احتفالهم باكمال 200 يوم و هو الاصغر بينهم
- اول ظهور له معاهم كان في اغنيتهم U و مافاته كثير اذا حسبتوا انه دخل معاهم بعد Twins و Miracle ..
- قبل ينضم كيوهيون للفرقة كانت الفرقه مجرد مشروع الشركه جمعت فيه ممثلين و مقدمين و مغنين و كونت فرقة مؤقته
و قالوا انهم كل سنه راح يتخرج ناس من هالفرقة و يبدلونهم بناس جدد لكن بعد دخوله الاس ام غيرت رأيها و خلتهم فرقة رسمية
- يعتبر صوته من اقوى و اجمل الاصوات اللي موجوده في سوبر جونيور فعشان كذا انضم للفرقة الفرعية KRY
- يمكن البعض يشوفونه هادي و ما يتكلم في البرامج لكن يطلع من تحت راسه هوايل و اللي يقرأ ردوده على الفانز بيلاحظ
نقدر نقول عليه انه هادي و عاقل لكنه في نفس الوقت حذق و ساخر و لسانه طويل ..
معجبه : ما اقدر انام ..
ريووك : ما تقدرين تنامين .. ؟
معجبه : اي ما اقدر انام ..
كيوهيون : طيب وش دخلني انا اذا ما تقدرين تنامين
,’,
معجبه : اوبا .. انت غبي !
كيوهيون : بالمقارنه بك انا عبقري
,’,
معجبه : كيوهيون هو اوسم رجل في العالم ..
كيوهيون : اعرف
- بما انه كيوهيون الاصغر في الفرقة فهو "أدلع" واحد فيهم و يقول انه اذا حس بتعب دايم يلاقيهم قدامه يعتنون فيه و يقولون له ارتاح و بما انه الاصغر كمان فهو دايم يطلع لنا الجانب اللعوب من شخصيته و يقدر يمزح على الاعضاء الاكبر سنا بدون ما يتعاقب
- مدمن العاب الكترونيه و الكل يعرف بهذا , لدرجه اطلقوا عليه لقب : GameKyu لانه كل ما يلعب مع احد من الاعضاء يفوز عليهم ..
و اوقات يجيب لابتوبه و يكمل لعب في غرفة الانتظار و تبديل الملابس ..
- كانغن يحكي عنه و يقول مره وصلت البيت في وقت متأخر و الكل نايم و فجاه اسمع واحد يصارخ يوم دخلت الغرفه لقيت كيوهيون متحمس
و داخل جو مع لعبته و حتى ما طالع فيا يوم كلمته , كيوهيون دافع عن نفسه و قال انه كان يلعب لعبه مهمه
- كيوهيون جلس فتره من دون سرير و كان يحسب انه السبب لانه اصغر واحد في الفرقة مع انه الاعضاء قالوا له انه السبب مو كذا ,
وفي يوم قام يغني اغنيه Bed Song على برنامج و فيه فانز كثير كانوا بيشترون له سرير عشان هالاغنيه لكن في النهايه حصل على سرير و قدر يدخله في مساحه ضيقه بين ريووك و تيكي
- 19 ابريل عام 2007 يوم ما راح ينساه فانز سوبر جونيور ابدا , لانه اليوم اللي وقعت فيه فاجعة حادث السير اللي تعرض له 5 من اعضاء سوبر جونيور
اثناء عودتهم من برنامج راديو , و في هذا الحادث كانت حالة كيوهيون و اصابته هي الاخطر و الاقوى لانه كان جالس ورا السائق
- الاعضاء و الفانز كلهم اصيبوا برعب لانه كيوهيون ظل فاقد للوعي فتره و قالوا انه اصيب اصابة شديده في الرئتين و كسور في الحوض و الاضلاع و جروح عميقة
- الاطباء قالوا عنه انه يفوق و يغمى عليه مرارا , و انه في الاشعه اللي سووها له الرئتين كان لونها ابيض و الحالة الطبيعية انها اسود
- في ذا الوقت الكل كانوا قلقانين عليه لانه حالته جدا خطيره و الامل كان شبه معدوم .. فكانوا يدعون له و كثير منهم كتب في صفحاته
- يسونغ سجل مقطع صوتي له و هو يبكي و يرسل رساله لكيوهون انه يستعيد صحته , و قال له انه ان شاء الله لو قمت بالسلامه و رجعت تتريق علينا في البرامج ما راح نزعل منك ولا نخاصمك
- ربي نزل رحمته على الولد و افاق من غيبوبته لكن لما صحي ما قدر يتكلم من الصدمه , بعد شهر قدر يمشي على رجوله و في يوم 5 يوليو 2007 قدر يطلع من المستشفى
- صحيح انه ما تشافى كليا وقتها لكن كيوهيون اصر بعد خروجه انه يرجع للشغل و انه يشترك في الالبوم الجديد لسوبر جونيور
- اينيوك كان يقول انه تأثر جدا بشي سووه الفانز لكيوهيون .. و هو انهم لما راحوا الدريم كونسرت جابوا لوحه كبيييرة فيها صورته و كان مكتوب عليها "كيوهيون .. هل انت تشاهد الآن ؟" و اينيوك راح يبكي لما شاف اللوحه
- في برنامج Star King واول مارجع كيوهيون من بعد اصابته , اختارته بنت فلبينيه يغني معها من بين اعضاء السوجو
تيكي بكى وهو يشوف كيوهيون يغني مع البنت وكانغن كان يمسح دموعه
تيكي قال " أنه كان من الاشخاص اللي صار لهم الحادث مع كيوهيون وانه سعيد جداً بانه يشوف كيوهيون يغني وانه بيغني معاه في السوبر جونير "
- انضم للفرفة الفرعية في الصين و هي Super Junior M
- يقولون انه كيوهيون لهجته الصينية مره حلوه و صار بعض كلامه مشهور بين الفانز في الصين
- في برنامج صيني كان جومي يغني وصوته خرب لما كان يغني نوته عاليه وكيوهيون ما قدر يمسك نفسه من الضحك  شركة SM قررت انه تكون فرق فرعية من اعضاء سوبر جونيور لعدة اسباب ..
منها انه لما يكون عددهم اقل في الفرقه كل عضو ياخذ حقه في الغناء ..
وسبب ثاني انه بعض الاعضاء يكونون مشغولين بالتمثيل او تقديم برامج
و ما تتوقف نشاطات الفرقه بسببهم . اول فرقه فرعيه كانت KRY ، وتكونت في ٢٠٠٦.
تضم افضل الاصوات في سوبر جونيور: كيوهيون، ريووك، يسونغ
نوع الاغاني اللي مختصين فيها هي الـ Ballad و الـ RNB و اول ظهور لهم كان على Music Core في ٥ نوفمبر ٢٠٠٦ ..
وغنوا The One I Love .
شاركوا في الـOST لدراما Hyena بثلاث اغاني منها اغنية الثيم الرئيسي للمسلسل.
و شاركوا كمان في OST دراما Snow Flower وBilly Jean Look at Me ..
هي الفرقه الفرعية الوحيده اللي ما نزلت البوم او سينغل وكانوا بس يشاركون في البومات مشتركه مع فنانين و في OST الدرامات .
فيه اشاعات انه بيرجعون بس ما تأكد شيء للآن . ثاني فرقه كانت Super Junior - T والـ T يرمز لـ Trot اللي هو نوع قديم من الاغاني الكورية .
اعضاء الفرقه هم: ليتوك، هيتشول، كانغ ان، سنغمين، شيندونغ، اينيوك
نزلوا البوم واحد بس Rukuko وكان فيه ٣ اغاني Rokuko, First Express "Chut Cha", Don't Go Away
قبل ما الفرقه تصير رسميه بـ٣ شهور غنوا Don't Go Away مع دونغهي في MKMF 2006 وكان هيتشول لسا ما شفي بعد الحادث ..
واول ظهور لهم كفرقة فرعية كان في ٢٥ فبراير ٢٠٠٧ على برنامج SBS Popular Songs وغنوا Rukuko و First Express مع مغنية التروت الشهيره Bang Shilyi , وكان اول عرض بعد عودة هيتشول من بعد الحادث.
بعد شهرين من نشاطات الفرقه ليتوك، شيندونغ و اينيوك صار لهم حادث سيارة وتكنسلت نشاطاتهم لمدة شهرين.
ورجعوا في يونيو واستمروا شهر وبعدها توقفوا وللحين ما رجعوا مع انه فيه اشاعات كثيره انهم بينزلون اغنيه جديده بس للحين ما تأكد الخبر
شاركوا في برنامج Idol World في ٨ حلقات وانعرض من ٥ مايو الى ٣٠ يونيو .
وفي ٨ نوفمبر ٢٠٠٨ نزلوا النسخه اليابانيه من اغنية Rukuko مع الثنائي الكوميدي Moeyan
و وصلت الاغنية للمركز الثاني في الـOricon Chart .. قررت الشركه انها توسع نطاق عمل سوبر جونيور في الصين في عام 2007 .. فاصدرت قرار انها راح تسوي فرقة فرعية للسوجو
الفرقة مكونة من 5 اعضاء من سوبر جونيور و هم : هانكيونغ - شيوون - كيوهيون - دونغهي - ريووك
اضافة الى اثنين من المتدربين الصينيين في شركة SM و هم عازف الكمان هنري الصيني اللي كان عايش في كندا ..
و جومي ( زومي ) اللي كان يقدم برامج مسابقات و يكتب كلمات اغاني قبل انضمامه للفريق ..
كان اسم الفرقة المبدئي هو Super Junior China و لكن الشركة اعلنت وقت الترسيم انه الاسم راح يكون Super Junior M
و يقال انه حرف الـM في الاسم يشير الى كلمات و معاني عديدة منها :
Mandarin و تعني اللغة الصينية الشمالية و المقصد انه الفرقة تبغى توسع نشاطها في السوق الصيني ..
Me و هو اسم البوم الترسيم حقهم ..
Mi و اللي هي كلمة صينية لها معنيين و هي كاريزما و جمهور ..
و المقصد انه الفرقة تبغى تتقرب اكثر من جمهورها في الصين ..
ترسمت الفرقة في الصين يوم 8 ابريل عام 2008 و في نفس اليوم طلع اول كليب لهم و هو U
نشاطاتها الى الان مستمره و سووا لهم Comeback قبل فتره بسيطه بكليب جديد و منفرد لهم و هو Super Girl
في شغله مهمة تجي على البال كل ما انذكر اسم Super Junior M و هي الخلاف اللي صار بداية ترسيمهم .
او الحملة اللي قاموا فيها جمهور سوبر جونيور و سموها Only 13 ..
و راح نتكلم عنها اكثر لما نتكلم عن الفان كلوب .. رابع فرقة فرعية من سوبر جونيور وتتكون من ٦ اعضاء: ليتوك، كانغ ان، يسونغ، سنغمين، شيندونغ، اينيوك
يعني نفس Super junior-T بس بدال هيتشول حطوا يسونغ .
نوعية اغانيهم من الايقاع السريع و Dance and Pop music .
اول عرض لهم قبل ما تصير الفرقه رسميه كان في ٣ مايو ٢٠٠٨ في Power Concert .
وفي ٣٠ مايو اعلنت الشركة عن الفرقة، و اول اغنية لهم Cooking? Cooking! انعرضت في نفس اليوم.
و اول عرض لايف لهم كان في Dream Concert 2008 .
ثاني اغنية لهم هي Pajama Party وانعرضت في ٤ اغسطس ٢٠٠٨.
كانوا مذيعين برنامج Idol Army Season 1 على قناة MBC
عدل سابقا من قبل kim heechul في الجمعة فبراير 17, 2012 2:07 am عدل 1 مرات | |
|
مصطفى اللامي
عضو مميز
جـْنـسّيْ : 
مُسَاهَماتِي : 1036
مآلَـيْ : 7452
شّهـْرتـْي : 20
آنْضضْمآمـْي : 09/08/2011
ع ـ’ـمريْ : 27
| | موضوع: رد: تقرير عن بعض اعضاء السوجو والفرق الأحد فبراير 12, 2012 7:33 pm | |
| شكرا على الموضوع الراقي
تحياتي | |
|
kim heechul
عضو
جـْنـسّيْ :
مُسَاهَماتِي : 12
مآلَـيْ : 4491
شّهـْرتـْي : 0
آنْضضْمآمـْي : 12/02/2012
ع ـ’ـمريْ : 26
| | موضوع: رد: تقرير عن بعض اعضاء السوجو والفرق الجمعة فبراير 17, 2012 1:44 am | |
| اين الردووووووووووووووووووووووووووووود :( | |
|
ُE_Rm
عضو مميز
جـْنـسّيْ :
مُسَاهَماتِي : 2288
مآلَـيْ : 11211
شّهـْرتـْي : 105
آنْضضْمآمـْي : 16/09/2011
ع ـ’ـمريْ : 22
| | موضوع: رد: تقرير عن بعض اعضاء السوجو والفرق الجمعة فبراير 17, 2012 2:02 pm | |
| وآو ..
ابدآآع متواصـل
من آجمل مـآ قرأت
آحسنت/ي الانتقـآء ..~
دمت/ي ودآمت آبدعاتكـ السآحره بالمنتدى
وبنتظــآر منكـ المزيد والمزيد
تقبل/ي مروري بين صفحآتك العطره | |
|
♡㋡Fêisty crảzy
عضو مميز
جـْنـسّيْ :
مُسَاهَماتِي : 2290
مآلَـيْ : 10390
شّهـْرتـْي : 33
آنْضضْمآمـْي : 18/08/2011
ع ـ’ـمريْ : 24
| | موضوع: رد: تقرير عن بعض اعضاء السوجو والفرق الجمعة فبراير 17, 2012 2:04 pm | |
| وآو ..
ابدآآع متواصـل
من آجمل مـآ قرأت
آحسنت/ي الانتقـآء ..~ | |
|
Yᵤⱼᵢ
فريق الإدارة
جـْنـسّيْ :
مُسَاهَماتِي : 9362
مآلَـيْ : 24559
شّهـْرتـْي : 115
آنْضضْمآمـْي : 12/08/2011
ع ـ’ـمريْ : 25
آوسـْمـتـيّ : 
| | موضوع: رد: تقرير عن بعض اعضاء السوجو والفرق الجمعة يونيو 03, 2016 12:39 pm | |
| جميل جدا
شكرا لك
واصلي ابداعك | |
|
