حكايات جدو

موضوع: حكايات جدو الثلاثاء يوليو 19, 2011 2:16 pm

[center]كان ياماكان في قديم الزمان ......... مو كلش قديم
الزمان يعنيقبل شهر او شهرين تقريبا
كان اكو ابو بريص (بالمصري جربوع) شاب في مقتبل العمر
ومرتب نفسه حيييييييل وعاجبته روحه عبالك سحليه ام الــ5
امتار مو ابو بريص ... المهم في يوم من الايام
عجبته سحليه صغيره بعدهه مراهقه بس
كلللللللللللش حلوه سولف لجماعته شجعوه حتى
يصارحها المهم ابو الشباباستجمع شجاعته وقرر يروح
يصارح الحلوة وفي اليوم المحدد وبعد مراقبه عرف انالسحليه
رايحه محاضره خصوصي هي وصديقتها في بيت
الاستاذ وطبعا الاستاذ كلشمعروف لان ماكو غيره
بالغابه بس هو مثل معلم الابتدائيه يدرس كل
الموادفحضر نفسه لبس هذاااااااااك القميص
المرتب وطــــك السلسله ورتب شعره وسواه
سبايكي عبالك سلسله جبال الهملايا ولبس جينز
كاحت ولبس هذيج الساعة الليتعجبك والحذاء ما
اسولفلكم عليه عبالك السيف مال عنتر ابن شداد(اقصد ذيله)
واخذ موبايله بلاك بيري ولبس نظارات شمسيه والدنيا مغيمه
بس شنو على اساسالفيكه وكف براس الفرع
وطلعت الخاتونه تزحف على كيفها لان الشارع تبع
الغابهمامبلط عدل والكعب مالتها عالي وخلاها
تزحف شويه وجرب زحف وراها ومن ابتعدت من
الزرف مال بيت اهلها اتشجع الاخ وكال من رخصتج
ممكن احجي وياج هي اندارتوكالتله شنو تحجي
ويايه حضرتك كال نعم يا عيون حضرتك وبعد فتره
من الصمتالثقيل المخيم على الاجواء جمع الاخ
افكاره وكال اني صارلي فتره دا اراقبجوعجبتيني
وبصراحه كنت خايف احجي وياج لان اني خايف من
ردج وحبيت ابقى عايشبهذا الحلم الجميل اطول
فتره ممكنه والاخت اشتغلت ضحك عبالك ديحجيله
نكتهوكان الرد الحاسم عزيزي تره اني مخطوبه
لأبن عمي وبس اخلص سادس وادخل كليةاتزوج ورفعت ايدها
او رجلها ما اعرف لان هم اربعه وشوفته الحلقه (بالمصري يعنيورتو الخاتم)
وفي هذه اللحظه عصفت رياح الحزن بالمسكين ولم
ينطق بكلمهواحده وظل صافن عليهه والدموع
تترقرق في عينيه هي شويه استحت وبطلت ضحك
وكالتله من رخصتك تره اتأخرت على المحاضره لان
صديقتهه سوتلها مسكول يعنيبدت المحاضره
وظل هو يمشي لوحده لمن وصل للحايط الي بيه
الزرف مال اهلهودخل للبيت امه كالتله ها ماما
اسويلك شاي بحليب؟؟؟ كاله لا ماما رجاءا
رجاءا اتركيني وحدي وطب بغرفته وسد الفتحه تبع
الغرفه بحجرة صغيره وطلع علبهفاليوم ام
الخمسميه وبلعهه كلهه ونام على ظهره وبعد ابد
ماكعد يعني شنوقابل قيس احسن منه انتحر من
بعد ليلى لو ليلى احسن من الخاتونه صاحبته
السحليه علمود مينتحر من بعدها....(اقصد همه سوا بالحساب قيس وليلى والابوبريصوالسحلية )
وعلى العموم لو ما منتحر كان مات بنفس الطريقه الي يموت بيها
جماعته الاببريصات يعني وحده من البنات تعيط وتصيح وتلم وتصرج العالم......
واااااااااااااااااااا ابو بريص ) فينهض احد الشباب في )
محاوله رجوليهلانقاذها من براثن هذا الوحش
الرهيب وطم طج طح وتلكه نصه لازك بالكاع ونصه
لازك بسلاح الجريمه .... هذه هي النهايه
المأساويه للحب من طرف واحد

[/center]

شكرا علي الحكاية

يعطيك الف عافية

» حكايات كل الاميرات
» حكايات ما احلاها
» اغنية حكايات ما احلاها
» الحنين هو حكايات لا نستطيع كتابتها
» حكايات عالمية (في قصص الشعوب طرائف لاتنتهي )