* مول الموطور
بوليسي بغا يوقف واحد الموطور حرق الضو، ... مول الموطور هرب ... البوليسي هز عينو
بانلو البوليسي صاحبو فالرومبوان اللّي قدامو هو يشيرلو ونعتلو فمول الموطور.. مول الموطور بانلوليه البوليسي قاصدو هو يوقف وقالو : قالك الشاف اللّي فالرومبان القدامي إيلا بغيتي نتسخرلك ... راني ماشي نجيبلو سندويش ديال الكفتة البوليسي مسكين جبد 20 درهم ومدهالو.. وقالو جيبلي حتى أنا ولكن ما دّيرش الحــــــــــار
* نحلة
هذا واحد كان غادي ف غابة هو يخرج ليه جن قال ليه شبيك لبيك شنو بغيتي ندير ليك؟ قال ليه : بغيتك ترجعني نحلة باش نحرڭ للسبنيول بلا مايعيق بيا حتى واحد.. شدو الجن رجعو نحلة.. السيد فرح هو يطير غادي لاسبانيا ملي قرب للحدود خرجو ليه النحل ديال اسبانيا شدوه شكو فيه قالو ليه واش نتا بصح نحلة؟ قال ليهم والله حتى أنا نحلة.. قالو ليه يالله خرج لينا العسل ديالك نذوقوه.. بقا كايتعصر كايتعصر وهي تجي عندو أمو فيقاتو : حرام عليك أ وليدي 30 عام فعمرك لاخدمة لا ردما و زايدها ليا بالخرى فالفراش
* الله يخلف على بو لحية
هذا واحد بو لحية جاه جوع دخل لمطعم قالهم لي بغا شي حاجة يدومندي على حسابي حتا هو دماند فاش سالا مشا لمرحاض حسن لحية
أخرج قالهم: الله يخلف على بو لحية
* حفرة
واحد الراجل حفر حفرة وحط فيها ولدو
شافوا واحد قالو اشنو كا دير
قالو.. كندفن ولدي مالقيتش ما نوكلو
قالو الراجل..وكلو العدس. اللوبيا و الحمص...
نطق الولد
..كمل ا الواليد ما ديش عليه
*شي هاز اللحم و شي هاز الهم
أستاذ ديال الإنجليزية
قال لواحد التلميذ دير ليا
She has
في جملة مفيدة
قالو التلميذ :
شي هاز اللحم و شي هاز الهم
* زقرام بزاااااف
هدا واحد زقرام بزاااااف فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير
* مول الطاكسي
هدا واحد مول الطاكسي مشي يتعرض لواحد الامريكي فالمطار ملي كانو راجعين ومول الطاكسي حرق الضو الاحمر الاول قالو الامركي واش نت حمق قالو ما تخافش خوك بروفيشيونل زاد عاوتاني حرق الضو الاحمر قاليه انت ما تتخاف لا على راسك لا على لي راكب معاك قالو ماتخافش خوك بروفشيونل تمو غاديين شعل الضو الاخضر مول الطاكسي وقف قالو ا............لامريكي علاش وقفتي راه اخضر قاليه الاحتياط لا يكون جاي شي خونا بروفيشيونل حتى هو
موضوع: نكت مغربية 100/100 
