كلام الحريم بعد ما يطلعوا من العرس أيش رايكم ...؟؟

السلام عليكم ورحمة الله وبركاته


كلام الحريم بعد ما يطلعوا من العرس ...؟؟
....................................


يركبوا السياره وكل وحده تنتبه لا تصك باب السياره على عبايتها وبمجرد ما انقفل باب السياره 00بدأ
الأستديو التحليلي 00اسمعوا ما قاله وما يقوله النساء بعد كل زواج0

الأولى : ايش فيك تأخرتي؟
الثانيه : ساعه قاعده ادور على عباتي 00انتي ما شفتي الحريم يتضاربون عند العبايات
تلخبطت
الثالثه : يا ليتنا ما رحنا زواجهم
ليش؟

الثالثه : زحمه والبزران يتضاربون بالبرتقال ويلعبون بالمويه والله اقول الله يستر لاتجي برتقاله فراسي

الأولى : ما شفتي ذيك اللي كبت القهوه على الحرمه اللي كانت قاعدة لابسة اخضر وجنبها وحدة واقفة تكلمها لابسة فوشي

الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على فردة جزمة

بنتي مها ضايعه

الثانيه : ايش رايكم في الفستان اللي لابسته خلود؟

الأولى : مو حلو 00محنقط عليها والسحاب باين

الأولى: انا اعجبني مكياج أمل 00تقول ان زوجة خالها جابته لها هدية من باريس

الثالثه : هههههه إيه ، زين ، هين ، من باريس تضحك عليك يا هبلا 00تلقينه من محلات ابو عشره

وقــــــــــفه ... فاصل اعلاني ..الجوالات ادهرت شوي

الغريب والعجيب انهم واثناء حديثهم في السياره يقولون لبعضهم 00خلاص يا بنات بس 000 أستغفروا ترى ما

يجوز نتكلم على الناس

تكــــــــــــــــــــــــمله

الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده

جنبي على العشاء وتقطع لي لحم؟

الأولى : ايوه شفتها 00هههههههه متوصيه فيك 00شكلها بتخطبك لولدها

الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل وهي طايحه في
لحم الزين

إلا ويش رايكم في العشاء ؟
الثالثه : دسم وكله شحم

الأولى : بارد

الثانيه : شكل الخرفان كبار في السن

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تبكي

الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس

بس 00خلاص 00ما يجوز 00 صح والله 000ما يجوز 000بس شفتي 000وشفتي 00وشفتي

واخيرًا وصلنا المنزل

00شوفو لي حبتين باندول اكسترا

إضافتي للموضوع :_

قال تعالى : ( يا أيها الذين آمنوا لايسخر قوم من قوم عسى أن يكونوا خيراً منهم ولا نساء

من نساء عسى أن يكن خيراً منهن )

وقال تعالى : ( ولايغتب بعضكم بعضاً أيحب أحدكم أن يأكل لحم أخيه ميتاً فكرهتموه )

وقال صلى الله عليه وسلم : ( وهل تكبون في النار إلا حصائد ألسنتكم )
السلام عليكم ورحمة الله وبركاته

منقول مع ودي و تحيتي

هههه هذا صحيح
مشكوور اخي

العفوات يا صديقي ^_^ والجيات اكثر ان شاء الله

مشكووووور يا اخي مضحك و لكن النميمة حرام ^^

العفو يا نور ول ول ول ول ول لالالالا انا لا اغتاب انا اوضح حالهم اذا خرجو من فرح

يغلق لاهماله