اليوم يـــاقلب الشقا كيـف اعـزيك ...
كيف الحــــزن يقــدر يواسي التعاسه
يـــاقلب هونهـا عســى الله يخليك ...
وانسى هوى اللي جرعــك مـر كاسه
ياقلب لاتأسف على اللي مجـافيك ...
زرعت له ودك وهــــــذي غـــــراسه
اصبـــر عسـاها تنفـرج في لياليك ...
وخـــــذ العبر من درب صعب مراسه
امـــــا تـــود اللــــي يودك ويغليك ...
والا اعتزل درب الهوى مــن أساسه
مــا كل مــن يعجبك زوله يصـافيك ...
وخـــــذ من تجــاربك المريره فراسه
ياقلب قلـــي فيـــن صدقــك يوديك ...
فــــي كـــل نشوة حب تلقى انتكـاسه
يعــاهدك بــــالأمس محــد يوازيك ...
واليـــــوم ودك حــــدرالاقــدام داسه
ماكنت افكــر انظم الشعر وارثيك ...
لكــن حـالك صعب يوصف احســاسه
تعــــاستك حزنـي وصعب اواسيك ...
صعب الحـــزن يقدر يواسي التعاسه
تحياتي للجمـيع
موضوع: كيـــف الحــزن يقـــدر يواسـي التــعاسـة 
