قصة الوجه المبتسم

وجه المبتسم الأصفر أثاري له قصة خفيفة.

هالشعار أو الوجه صار أشبه بماركة عالمية نشوفها بكل مكان من سنين وبنين ولي الحين ماشي سوقه بالملابس والأغراض.

يسمونه Smiley أو Happy Face واللي رسمه بهالطريقة واحد اسمه هارفي بول – Harvey Ball فنان تسويقي أمريكي، والقصة يا طويلين العمر كما يلي:

في سنة 1963م استحوذت شركة The State Mutual Life Assurance على شركة ثانية اسمها Guarantee Mutual Company of Ohio،

غالباً ب حالات الاندماج أو الاستحواذ على الشركات في عالم الأعمال تلقى الموظفين يحوشهم إحباااااط وتلقاهم يتحلطمون وكارهين حياتهم متنرفزين من الاندماج أو الاستحواذ،

الاستقرار يتزعزع (صارلي سنة أبي أقول يتزعزع! أخيراً ارتحت ) ومحد متطمن من الوضع المجهول في المستقبل.

الشركة كانت تبي تسوي حملة دعائية عشان ترفع من معنويات الموظفين وتحل هالمصيبة اللي تأثر على مستوى العمل،

الخطة انهم يبون شي ينتشر بكل مكان على الطاولات والملابس والأزرار ..الخ ويخلي الموظفين يبتسمون ويستانسون منه خلال ساعات الدوام.

مادري ليش وشلون بس تعاقدوا مع هارفي بول اللي كان فنان حر – Freelancer وخلال 10 دقايق رسم هالوجه!

عجبهم ونشروه بكل مكان بالشركة وخارجها كنوع من التسويق. اشتهر بصورة أزرار أو دبابيس تتعلق عالملابس أو الشناط للزينة.

سنة 1971 باعوا من هالأزرار 50 مليــــون قطعة وصار شعار عالمي! هذي صورة هارفي بول:

مع كل هالنجاح هارفي بول ما طلب تسجيل التصميم كعلامة تجارية أو حقوق طبع خاصة بالشكل، بس خذا 45 دولار أمريكي على شغله وبس

حتى الشركة كانوا ينشرون الوجه من باب الدعاية وما ربحوا شي من التصميم. حتى بعد كل هالملايين يقولون هارفي عمره ما تندم انه ما سجّل حقوق ملكية،

يقولون الرجال عمره ما اهتم بالفلوس وكان دايما يقول انه ما يقدر ياكل أكثر من وجبة بالوقت الواحد، ولا يقدر يسوق أكثر من سيارة بالوقت الواحد

– ‘Hey, I can only eat one steak at a time, drive one car at a time’ يعني الرجال كان قنووووووع ما شاء الله عليه.

بعد فترة انتشر نفس الوجه بس مع عبارة Have a Nice Day وهالإضافة كانت عن طريق اثنين اخوان اسمهم برنارد و موراي سباين

– Bernard and Murray Spain، وسجلوا حقوق التصميم بالعبارة هذي في بداية السبعينات.

المهم عاد بعدين في سنة 1999 قام هارفي نفسه وأسس شركة The World Smile Corporation الخيرية لدعم الأطفال حول العالم

بتسجيل حقوق الوجه المبتسم أخيراً، والأرباح كلها تروح للمشاريع الخاصة بالأطفال. وقال نسوي يوم الابتسامة العالمي

– World Smile Day اللي هو يصير بأول جمعة من شهر أكتوبر كل سنة، على اساس يعني يشجعون نشر الوناسة والخير

بهاليوم وشعارهم:

“Do an act of kindness – help one person smile”.

قصة الوجه المبتسم 800px-Harvey_Ball_1998

قصة الوجه المبتسم 800px-Harvey_Ball_1998

هارفي بول (اللي لابس كبوس) قاعد يوقع منتجات وأغراض بأحد المعارض - 07/18/1998

توفى هارفي سنة 2001 وعمره 79 سنة بسبب فشل كبدي بس لي الحين الوجه المبتسم موجود والأطفال المستفيدين من مؤسسته الخيرية يشكرونه،

قصة الوجه المبتسم Smiley-Face-3pc-Set-2203PC1225

ماأجمل تلك المشاعر التي

خطها لنا قلمكِ الجميل هنا

لقد كتبتِ وابدعتِ

كم كانت كلماتكِ رائعه في معانيها

دائمآ في صعود للقمه

شكرا جزيلا على قصة الوجه المبتسم

دمت مبدعا و مميزا بمواضيعك اخي

مع خالص تحيآآتي

» خلطة تبييض الوجه
» 9 نصائح للحفاظ على بشره الوجه
» علآج بشرة الوجه بالفاكهة
» الوجه الآخر للاكاتسكي .. قصص طريفة و مضحكة
» ماكسويل الوجه الجديد الوحيد في تشكيل البرازيل لمباراة ودية أمام سويسرا