سافر مرة ابو العبد على اسبانيا زيارة لعند رفيقو ابو صطيف
ومن محاسن الصدف كانت المباريات النهائية لمصارعة الثيران ،
وروح ألبو لابو العبد لعبة مصارعة الثيران .
المهم ذهب ابو العبد وابو صطيف ليحضروا المباراة
نزل بهديك المباراة ثور اسود شرس كتير
ونزل الماتادور المصنف اول عالميا
وقرنين من الثور وكان عالنقالة
ولحقو الثاني والثالت والرابع...
وهيك لحتى ما ظل ولا ماتادور يسترجي ينزل عالساحة لهذا الثور
قامت اللجنة المنظمة للبطولة وعلشان تزيد الحماس
اعلنت عن جائزة قدرها مليون دولار لاي متطوع شجاع من الجمهور بينزل ويذبح الثور
طبعا صديقنا ابو العبد قاعد مثل الاطرش بالزفة ما بيفهم إسباني ،
بس صاحبو ابو صطيف صار يترجملو
وبس سمع ابو العبد انه في جائزة مليون دولار ما عاد يشوف قدامو ...
ورفع إيدو بالموافقة على هذا التحدي الكبير
قال: يا أنا يا الثور .... وبحماس صار يغني نازلك يا عدوي نازل (للثور)
قاملو صاحبو ابو صطيف وقالو: لك شو إنت أهبل انت ما شفت شو صار بالمصارعين
رد عليه: با طل..... على الكلام العاطل
هلأ بفرجيك شو رح ساوي بالثور ما بيلقى من تحت ايدي كفين وخبطة
طبعا المليون دولار عمتلو بصاروا لابو العبد
المهم نزل ابو العبد واعلنو اسم Abo Al Abed بالاذاعة كمتحدي من الجمهور للثور الاسود
واول ما نزل ابو العبد عالحلبة ركض الثور لعندو
وابو العبد شاف هالمنظر (ثور هايج هاجم عليه) وآل بنفسو يا فكيك ... وأخذ يركض
والثور يركض وراه
وابو العبد يركض
والثور وراه يركض
وفجأة
اتزحلق الثور ووقع
ابو العبد ضرب بريك ورجعلو
وطلع الخنجر ونحر الثور من الوريد للوريد
............ ......... .......
بدأت الاحتفالات والصفير والزئيف وابو العبد فرحان وتوج بطل واستلم شيك المليون دولار
وبعد شوي اجت لعندو صحفية اسبانية وقالتلو
انا بعرف أهكي شوية اربي مهلش ( احكي شوية عربي
معليش) اذا سئلتك كم سؤال )
قلها: تفضلي نحنا خدامين الحلوييين (وهو عم يفتل شواربو طبعا
( قالتلو: ما هذه الشجاعة يا ابو العبد يعني انا لو كنت مهلك (محلك)
كنت عملتها تحتي ...)
رد ابو العبد وبكل ثقة وهو عم يفتل شواربو كمان :
لكان كيف اتزحلق الثووووور؟!
إذا عجبتكم...
بستنا ردودكم وتقييمكم
موضوع: بو العبد مصارع ثيران 